Ons gaan te werk op die volgende manier :
1. U maak `n afspraak om gesien te word deur Wouter Kruidenier (afhangend van die tyd vd jaar kan dit tussen 1 en 3 maande duur).
2. Hy besoek nuwe kliënte op Saterdae soggens en bespreek u behoeftes, bekyk die erf (maksimaal `n uur lank) en neem dan die nodige foto`s vd huis en tuin/erf.
3. `n Konsultasiefooi van R450 is betaalbaar voordat ons verder gaan.
4. Corinne Erasmus maak `n afspraak met u om u tuin te gaan opmeet (Dinsdae of Donderdae)
5. Corinne teken die erf (huis en grenslyne) op skaal waarna sy en Wouter koppe bymekaar sit oor watter tuinuitleg die beste sal werk vir u huis en behoeftes.
6. Wanneer u ontwerp klaar is word u genooi na ons skoutuin vir voorlegging
7. Indien u veranderinge verlang word dit aangebring of ons gaan oor na kwotering indien u tevrede is
8. Uitvoering van die ontwerp kan tussen 1 en 4 maande duur afhangend van hoe besig ons op daardie oomblik is en hoe groot u projek gaan wees. Uitvoering kan ook uitgestel word na `n tyd wat u die beste pas in die toekoms of u kan die ontwerp op eie stoom uitvoer. Ontwerpkoste is per m2 bewerkbare oppervlak (dus bestaande swembad en oprit uitgesluit) volgens `n glyskaal wat aan u gestuur kan word op versoek.
