Die grasperk is gewoonlik die maak of breek van enige tuin. Noudat water eenmaal skaars in die Weskaap is raai ons mense aan om Kaapse Kweek te gebruik (Cynodon dactylon) wat `n droogtebestande grasperk in volson-areas sal verseker. Met `n sagte tekstuur, dun blaartjies en `n mooi groen kleur hoef mens vir niks meer te vra nie. Kikuyu word gewoonlik gebruik omdat dit die goedkoopste is (dit produseer die snelste, daarom dat dit meer gekweek word en dus goedkoper is) maar op die lange duur is dit die duurste opsie omdat dit gereeld gesny moet word, baie water & voeding vereis om mooi te wees en van geen waarde is wanneer daar waterbeperkings is nie. Maak die regte keuse, kies die duurder opsie en pluk die vrugte van sukses voortaan!